Fokusimi tek qëllimet dhe përqendrimi janë çështje që lidhen me trajnimin. Në mesin e rrjeteve sociale, smartphone-ve që bien vazhdimisht dhe fjalimeve të kolegëve, dita e punës është në rrezik të humbasë në një rrugë qorre.
Këtu janë dhjetë këshilla për të nxitur qetësinë mendore dhe të punoni më mirë:
Cili është qëllimi juaj?– Vendosja e prioriteteve të ditës është e rëndësishme. Ndani punën në një seri mini-qëllimesh dhe një afat kohor për çdo vlerësim, kjo do t’ju ndihmojë të arrini më mirë rezultate.
Më pak shpërqëndrim- Nëse eleminon shpërdorimin kot të kohës nxit përqendrimin dhe shpejtësinë. Pasi të kesh vizituar faqet e preferuara në internet këshillohet të bësh “logout”, sepse do të humbisni minuta të çmuara me lajme dhe përditësime.
Frymëzimi- Të informohesh, frymëzon mendjen dhe ju lejon të gjeni lidhje të reja. Fillojeni ditën me një kafe dhe leximin e gazetës.
STOP- Keni filluar punën? Shmangni shkëputjen e vazhdueshme nga puna ose bisedat gjatë gjithë kohës mes kolegëve. Ulja e sasisë së këtij aktiviteti ju lejon të përqëndroheni në një objektiv dhe rrit përqendrimin.
Telefoni…pa zile– Vendose smartphone-n në opsionin pa zile. Për të parë thirrjet dhe mesazhet këshillohet ta bëni në pushim, sepse rrezikoni që ta kaloni ditën në mes të njoftimeve dhe përditësimeve. Chat-i? Jo, faleminderit!
Bashkëpuno– Krijimi i një ekipi të mirë të punës do të thotë bashkim i forcave dhe të jeni në gjendje për të kapërcyer dallimet në funksion të një qëllimi të përbashkët. Kjo zbut dallimet në vend të krijimit të distancës dhe nxitja e dialogut me kolegët do të përmirësohet në mënyrë të konsiderueshme.
Pesëmbëdhjetë minuta- Përgjigje për një email ose diçka të lënë në pritje? Nëse keni nevojë për më pak se pesëmbëdhjetë minuta …bëjeni tani! Ky është një rregull i thjeshtë, që ju ndihmon të shmangni gjëra të akumuluara që mund të bëhen shumë më shpejt.
Pushim krijues- Kurrë mos e anashkaloni pushimin e drekës dhe të qëndroni ngjitur në kompjuter gjithë ditën. Nëse ju punoni në zyrë, ose kaloni orë të gjata ulur, duhen patjetër pesë minuta për t’u ngritur dhe bërë një shëtitje të vogël. Dalja jashtë ka një efekt pozitiv në prodhimin e endorfines, ajo përmirëson disponimin dhe stimulon kreativitetin.
E papritura– Zakoni për të parandaluar dhe kontrolluar aksidente mund të bëhet një mani. Ushtroni gatishmërinë tuaj mendore. Pranoni atë që ofron dita, për të mësuar për t’iu përgjigjur me më shumë vendosmëri dhe gatishmëri ngjarjeve.
Trupi dhe mendja– Kur trupi është i stërvitur, mendja punon më mirë, plot vitalitet. Zgjidhni një sport që mund të stimulojë entuziazmin tuaj. Ecni, vraponi, ngisni një biçikletë. Përdorni meditim, muzikë ose ecni në natyrë për të pastruar mendjen tuaj dhe të gjeni më shumë përqendrim. Në afat të gjatë ju do të kurseni energji dhe kohë të çmuar.
Burimi: TgCom24
