Duket se edhe Britani e Madhe po sheh “dritë në fund të tunelit” nga situata e COVID-19.
Në 24 orët e fundit u shënuan 29 viktima nga COVID-19 dhe kjo është shifra më e ulët që prej datës 29 mars.
Në total numri i personave që kanë humbur betejën me COVID-19 në britani ka arritur në 31,885.
Sot janë shënuar edhe 3,923 raste të reja nga 64,362 teste të kryera.
Numri total i të infektuarve në Britani është 219,183.
Gjatë pasdites së sotme, kryeministri Johnson pritet të njoftojë për fazën e re të rihapjes së vendit nga izolimi.
Mediat britanike shkruajnë se pritet një lirim lëvizjes së këmbësorëve pavarësisht se ministrat paralajmërojnë se nuk do të ketë ndonjë ndryshim të madh.
