Një ngjarje e rëndë është regjistruar këtë të dielë në Greqi, pasi një 20-vjeçar ka humbur jetën për shkak të një aksidenti.
Ngjarja ka ndodhur në mesditë, në Fthiotida të Lamias në Greqi.
Traktori me të cilin ai punonte është përmbysur dhe për rrjedhojë i riu nga Shqipëria ka ndërruar jetë.
Mediat greke shkruajnë se i riu me origjinë shqiptare kishte marrë traktorin dhe po shkonte të punonte në një pronë me ullinj. Në rrethana të paqarta, traktori është përmbysur dhe ka zënë përsipër edhe djaloshin. Traktori është përmbysur në anë të rrugës.
Trupi i pajetë i 20-vjeçarit u dërgua në stacionin policor të Atlantis, ku thjesht u konstatua vdekja e tij. Po zhvillohen hetime paraprake për këtë vdekje tragjike.
