Në vitin 2013 Sir Alex Ferguson publikoi librin e tij autobiografik të quajtur “Autobiografia ime”. Një libër ky që u prit me bujë të madhe anembanë botës dhe që në fund rezultoi edhe një sukses komercial.
Në librin e tij, ndër të tjera, trajneri legjendar kishte folur edhe për ikonën e Liverpoolit, Steven Gerrard: ”Unë jam vetëm një nga ata që e ndjejnë se Gerrard nuk ishte top lojtar”. – ka shkruar Ferguson për ish-futbollistin e “The Reds”.
Së fundmi, Gerrard, i pyetur mbi këtë temë në një intervistë të dhënë për “BT Sport”, ka dhënë përgjigjen e tij në drejtim të ish-trajnerit të Man.United.
“Kam shkuar në stërvitje te Manchester United, kur isha 13-vjeçar dhe mora një letër që po më prisnin të nënshkruaja një kontratë shtatëvjeçare”, ka thënë Gerrard në BT Sport.
“Unë jam një përkrahës i madh i Alex Ferguson dhe çfarë ka bërë ai në këtë lojë, kjo ishte se përse kishte shitur shumë kopje të librit për një javë”.
“Isha disi i habitur kur e lexova atë, se ai mendon që unë nuk isha një top lojtar. Por, unë nuk do të fle mbi atë ide, secili e ka mendimin e tij”.
“Ai dëshironte të më transferonte në sezonin 2002/03, ai ka tentuar edhe disa herë të më merrte te United, unë natyrisht se kam refuzuar, andaj nuk do ta merrja për të keq”, ka shtuar më tej legjenda angleze.
