Talenti i Teutës, Sherif Kallaku, ka reaguar me tone të ashpra ndaj deklaratës të ish-ministrit të Shëndetësisë, Ilir Beqaj, në të cilën hodhi hipotezën e mbylljes së këtij sezoni për të menduar për sezonin tjetër.
Në një postim në “Story-n” e faqes së tij në Instagram, Kallaku, reagon ashpër duke shkruar se nuk mund të japë mend për sportin një person që e ndriti në Ministrinë e Shëndetësisë duke i ofruar burrave vizita falas për kancerin e gjirit, ndërsa gjithashtu e cilëson si mjeshtër të vjedhjes.
“Një përgjigje sportive për gjithëollogun ish-Ilir Beqjan! Pasi e ndriti Ministrinë e Shëndetësisë duke i ofruar burrave vizita falas për kancerin e gjirit, na dha mend se një familje shqiptare mund të kalojë muajin me 25.000 lekë.”
“Pasi dha miliona euro tendera ‘check-up’, foli edhe për pensionistët. Pasi nuk e pa***-i kush, tani pa*** do të japë mend edhe për futbollin. Në fakt nuk ka faj pasi vetë është profesionit në sportin e vjedhjes, midhjes dhe check-up-it!”, shkruan Kallaku.
