Ish-kryeministri Sali Berisha ngre dyshime të reja për dëshminë e ndryshuar të pilotit italian, Guido Guidi për trafikun e drogës.
Berisha shkruan në facebook se Guidi ka përsëritur në Prokurori deklaratat e Ramës dhe Tahiri se kishte ardhur si turist në Shqipëri. Për këtë arsye, deklaron Berisha, Rama do ta dekorojë pilotin 69-vjeçar italian.
“Rama vendos të dekorojë pilotin Guido Guidi! Piloti i narkotrafikut Guido Guidi, i cili ka meritën e zbulimit të ekzistencës dhe inaugurimit të aerodromit “Saje Qorri”, më i riu i vendit në Ishem, ka ndryshuar deshminë. Ai ka përsëritur sot fjalë për fjalë deklaratat e përsëritura të Ramës dhe Saje qorrit në parlament se ai ishte një turist që ka si hob inaugurimin e aerodromeve.
Rama po përgatit një medalje mirënjohjeje për besimin dhe dashurinë që tregoi ndaj atdheut tonë të dashur dhe provën e suksesshme të aerodromit më të ri në Shqiperi!”, shkruan Berisha.
