Koreja e Veriut ka kryer një test të suksesshëm tokësor të një motori të ri për të nisur satelitët, thonë mediat shtetërore.
Lideri i vendit Kim Jong –un kërkoi nga shkencëtarët dhe inxhinierë që të bëjnë përgatitjet për të nisur një satelit sa më shpejt që të jetë e mundur, raportoi KCNA, shkruan BBC.
Ky test, është i fundit nga një seri e testeve raketore këtë vit. Ndërkohë, Shtetet e Bashkuara dhe Kina kanë rënë dakord për të rritur bashkëpunimin me OKB-në, për të trajtuar testin e pestë bërthamor të Veriut.
Testi nëntokësor bërthamor, i kryer në fillim të këtij muaji, mendohet të jetë më i fuqishmi i testuar nga Koreja e Veriut deri më tani, transmeton KP.
