Ish-ministri grek i shëndetësisë Dimitris Kremastinos ka humbur jetën, duke e çuar në 150 numrin e viktimavve të prekur me COVID-19 në Greqi.
Kremastinos ndodhej në spital prej më shumë se 1 muaj dhe pati komplikacione në rrugët e frymëmarrjes, raportuan mediat greke. Klasa politike greke shprehu ngushëllimet për vdekjen e tij.
Kremastinos ishte mjek në profesion. Ai ka qenë ministër në qeverinë e Pasok dhe deputet i zonës së Dodekanezit në parlamentin grek.
Njihej si një prej njerëzve më të aftë në fushën e shëndetësisë dhe vlerësohet se bëri një reformë të fortë dhe tepër pozitive në shërbimin shëndetësor grek.
