Qytetarët që dolën sot në protestë te Piramida kundër miratimit të ligjit të importimit të mbetjeve urbane, me të mësuar se Partia Socialiste po zhvillonte mbledhjen e saj të kryesisë kanë vajtur të protestonin para selisë rozë.
Protestuesit kanë vënë në sfond një fjalim të Edi Ramës në vitin 2013 kundër importimit të plehrave.
Ata i kanë kërkuar kryeministrit të mbajë premtimin dhe të mos dalë mashtrues.
Në qendër të akuzave të protestuesve ka qenë edhe deputeti Eduart Shalsi, nismëtari i këtij ligji. Protestuesit i kujtuan Shalsit deklaratën e bërë para zgjedhjeve parlamentare të vitit 2013 kur tha se do të grabisnin kur të vinin në pushtet, por më mirë se qeveria e kaluar.
Qytetarët paralajmëruan se do të dalin sërish në protestë ditën e enje, para Kuvendit, ditën kur parashikohet që ligji të kalojë për miratim.
http://www.dailymotion.com/video/x4ttbld_protesta_news
