Një person është lëdnuar në kokë, për shkak të një aksidenti që i ka ndodhur teksa drejtonte një kamion. Ngjarja ka ndodhur në vendin e quajtur ‘Baza e Asfaltit’, Mat.
Në momentin që drejtuesi i kamionit me iniciale, A.I., po ndërronte jastëkun e ajrit të kamionit që drejtonte, airbag-u ka plasur, duke e lënduar personin në fjalë, bëri me dije policia.
Sipas të njëjtave burime, drejtuesi i kamionit ka marrë lëndime të mëdha në kokë dhe është dërguar me helikopter drejt Tiranës. Aktualisht, i lënduari ndodhet pranë Spitalit të Traumës, ku po merr ndihmën e nevojshme mjekësore dhe ndodhet jashtë rrezikut për jetën.
