Sherif Kallaku, futbollist i Teutës, duket se nuk po e duron dot periudhën pa futboll dhe si shumë të tjerë ai dëshiron rinisjen e Superligës. Madje nëpërmjet rrjetevë të tij sociale, 22-vjeçari, ka ironizuar kryeministrin shqiptar Edi Rama me filmin e njohur “Tomka dhe shokët e tij”.
Në videon e postuar nga Kallaku, shihen momente nga filmi të cilat janë montuar me fytyrën e kryeministrit, teksa i shoqëron edhe me shkrimin “Lironi fushat”.
Kujtojmë që qeveria akoma nuk ka marrë asnjë vendim për sa i përket rikthimit të skuadrave në fushë, edhe pse FSHF ka dërguar dy shkresa dhe pret që të ulet në tavolinë për të biseduar në lidhje me protokollin sanitar që klubet do të përdorin për të luajtur futboll pa rrezikuar infektimin e atyre që ushtrojnë këtë sport.
https://streamable.com/a07pq0
