Një aksident me pasojë vdekjen e një 39-vjecari ka ndodhur sot në aksin rrugor Librazhd– Qafë Thanë.
Një automjet me targa TR 1237 P që drejtohej nga shtetasja B.B., 32 vjeçe është përplasur me mjetin me targa KO 42 72 B, që drejtohej nga shtetasi L. T., 37 vjeç, banues në Korçë. Për pasojë ka gjetur vdekjen pasagjeri në mjetin me targa të Tiranës, bashkëshorti i drejtueses së mjetit, 39-vjeçari Astrit Balla.
Po kështu është plagosur edhe drejtuesi i mjetit tjetër, shtetasi me iniciale L.T. si edhe pasagjerja V.P. 26 vjeç që të dy me banim në Korçë, fatmirësisht janë jashtë rrezikut për jetën.
Mësohet se çifti Balla kishin shkuar në Prrenjas me qëllim për të blerë librat e shkollës për fëmijët e tyre, por fatkeqësisht njëri prej tyre nuk mundi t’i mbijetonte aksidentit. Paraprakisht dyshohet se shkak për aksidentin ka qenë shpejtësia por edhe lagështira në rrugë.
