COVID-19 nuk ka kursyer as bluzat e bardha që janë në vijën e parë të luftës.
Sipas Reuters, mbi 90 mijë profesionistë të kujdesit shëndetësor janë të infektuar me koronavirus në të gjithë botën, megjithëse numri mund të jetë edhe më i madh.
Sipas një deklarate të Këshillit Ndërkombëtar të Kujdesit të Infermierisë, sipas të dhënave të mbledhura në vetëm 30 vende, më shumë se 260 infermierë kanë vdekur si pasojë e Covid-19
Ky këshill ka bërë thirrje që të mbajën shënime të sakta për parandalimin e përhapjes së infeksionit mes personelit mjekësor.
“Sipas të dhënave tona, numri i punonjësve të shëndetit të infektuar u rrit nga 23,000 në më shumë se 90,000, por kjo nuk është një shifër e saktë plotësisht, pasi ende nuk kemi të dhëna nga disa vende tjera”, tha tha Howard Catton, shefi ekzekutiv i Këshillit për Infermieri.
Catton, duke përmendur se në të gjithë botën janë raportuar mbi 3.5 milion raste të COVID-19, tha: “Nëse niveli mesatar i infeksionit të punonjësve shëndetës, është rreth 6 %, atëhere në nivel global mund të kemi më shumë se 200,000 infeksione të punonjësve shëndetësorë sot.
“Skandali është se qeveritë nuk po mbledhin dhe raportojnë sistematikisht mbi këtë informacion. Na duket sikur ata po kthejnë një sy të verbër, për të cilin ne mendojmë se është plotësisht e papranueshme dhe do të kushtojë më shumë jetë, ”shtoi Catton.
Organizata Botërore e Shëndetit (OBSH), e cila është duke koordinuar përgjigjen globale ndaj pandemisë, thotë se 194 shtetet anëtare të saj nuk po japin shifra gjithëpërfshirëse për infeksionet e punonjësve shëndetës, pasi ato merren me krizën.
