Deputeti socialist Eduart Shalsi është shprehur se Ligji i importit të mbetjeve do të miratohet në seancën e së enjtes në Kuvend. Shalsi, njëkohësiht është edhe kreu i komisionit të Veprimtarive Prodhuese në Kuvend, tha se kjo çështje ka qenë objekt diskutimi edhe në mbledhjen e grupit parlamentar të PS-së.
“Ka pasur dyshime të shëndetshme. Sot grupi ka një draft që pasqyron të gjitha shqetësimet e të gjithëve, deputetë, ambientalistë etj. Unë mendoj se sot kam paraqitur një draft akoma më të mirë se ai që kisha propozuar më parë”, ka thënë Shalsi.
Nuk dihet ende ç’qëndrim do të mbajë LSI-ja për këtë projektligji. Kujtojmë këtu që ndalimi i importit të mbetjeve nga jashtë ishte një prej tre vendimeve të para të Ramës kur erdhi në pushtet. Por sot pas tre vitesh me sa duket gjërat kanë ndryshuar. Biznesi që operon në këtë fushë ka arritur të bindë apo kapë kryeministrin Rama për të ndryshuar ligjin.
Megjithatë sot në orën 17;30 do të ketë një protestë të shoqërisë civile përballë Piramidës.
