Dy persona janë vënë në pranga nga policia e Korçës dhe 5 persona të tjerë janë proceduar në gjendje të lirë.
Ata akuzohen për veprat penale “Kundërshtimi me dhunë i punonjësit të policisë së rendit publik”, “Prishja e qetësisë publike” dhe “Drejtimi i automjeteve në mënyrë të parregullt”.
Në momentin kur polici iu kanë kërkuar autorizimin e lëvizjes, shtetasi A. Z, i ka kundërshtuar me dhunë, ndërsa 4 shtetasit e tjerë kanë prishur rendin dhe qetësinë publike, gjatë shoqërimit për në ambientet e Komisariatit.
“Në vijim të punës për zbatimin e masave me qëllim parandalimin e përhapjes se COVID-19, shërbimet e Policisë, konkretisht Forcat e Posaçme Operacionale në DVP Korçë, gjatë kontrolleve të ushtruara, në lagjen nr. 18, kanë konstatuar duke lëvizur në rrugë jashtë fashës së lejuar, shtetasit A. Z., 31 vjeç; V. R., 26 vjeç; B. Xh., 32 vjeç; K. N., 23 vjeç dhe M. Ll., 28 vjeç, banues në Korçë” – njofton policia.
Shtetasi A. Z, i ka kundërshtuar me dhunë uniformat blu, ndërsa 4 shtetasit e tjerë kanë prishur rendin dhe qetësinë publike, gjatë shoqërimit për në ambientet e Komisariatit.
31-vjeçari është arrestuar, ndërsa katër të tjerët u proceduan penalisht në gjendje të lirë.
Po ashtu, Policia Rrugore, bëri arrestimin në flagrancë i shtetasit K. D., 31 vjeç, banues në fshatin Libonik, pasi në afërsi të fshatit Drithas, ky shtetas u kap duke drejtuar pa leje drejtimi motorin tip “Honda”.
Si edhe filloi procedimi penal në gjendje të lirë ndaj shtetasit F. M., 49 vjeç, banues në Pogradec, pasi në lagjen nr.1, Pogradec, ky shtetas u kap duke drejtuar në gjendje të dehur, mjetin tip “Volkswagen”.
