Arrim në 832 numri i personave që janë prekur nga koronavirusi në vend, me 12 raste të reja në 24 orët e fundit, nga 255 testime të kryera. Rastet e reja janë: në Fier 3 të prekur, 3 në Krujë, 3 në Kamëz, 2 në Shkodër dhe 1 në Tiranë.
Sipas Ministrisë së Shëndetësisë, 595 prej të infektuarve janë shëruar, ndërsa betejën me këtë sëmundje e kanë humbur 31 vetë (Qarku Tiranë 18, Durrës 6, Fier 3, Vlorë 1, Shkodër 2, Kukës 1) . Sipas të njëjtave burime, aktualisht 206 persona rezultojnë të infektuar (të prekur aktivë). Në dy spitalet COVID janë 36 të shtruar, nga të cilët 8 pacientë janë në terapi intensive.
Shifrat e sotme tregojnë një rënie të rasateve të reja, personave të infektuar aktivë dhe të shtruarve në spital, krahasuar me një ditë më parë.
Bilanci i ri
Mira Rakacolli, Zv/ Ministre e Shëndetësisë dhe Mbrojtjes Sociale njoftoi shifrat e reja.
“Në informimin e sotëm në lidhje me situatën e Covid-19 ju bëjmë me dije së gjatë 24 orëve të fundit janë evidentuar 12 raste të reja pozitive nga testimi i 255 personave të dyshuar si bartës të këtij infeksioni ose të semurë. Pjesa më e madhe e tyre janë kontakte të rasteve të konfirmuara më parë dhe të gjetura nga hetimi epidemiologjik. Rastet pozitive të ditës së sotme janë të shpërndara si vijon: Në Fier 3 të prekur, 3 në Krujë, 3 në Kamëz, 2 në Shkodër dhe 1 rast në Tiranë.
Me shtimin e rasteve të sotme, numri i të prekurve nga Covid-19 shkon në 832. Prej tyre janë tashmë të shëruar 595 persona dhe vazhdojnë të jenë aktivë aktivë 206 persona.
Në dy spitalet COVID, në spitalin infektiv dhe spitalin ‘Shefqet Ndroqi’, aktualisht janë të shtruar 36 pacientë dhe vetëm 8 prej tyre janë në terapi intensive Pjesa tjetër po ndiqen nga mjeku i familjes ose janë asimptomatikë”, tha Rakacolli.
Apeli
“Situata epidemiologjike e infeksionit Sars Cov 2 dhe sëmundjen Covid 19 në Shqipëri, po monitorohet me shumë kujdes nga të gjitha strukturat shendetesore. Veçanërisht në këtë situatë të lehtësimit të masave, është rritur vigjilenca për gjurmimin, testimin dhe identifikimin në kohë të rasteve të dyshuara me COVID19 si dhe kontakteve të tyre, në mënyrë që situata të vazhdojë të mbahet në kontroll. Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë masat e rekomanduara nga autoritetet shendetesore sidomos distancimi fizik si një nga mjetet më efikase të parandalimit të infeksionit. Po ashtu bizneset e hapura duhet të respektojnë me rigorozitet protokollet e sigurisë, në mbrojtje të shëndetit publik dhe të parandalimit të shtimit të infeksionit. Ftojmë qytetarët të mos neglizhojnë shenjat e COVID19 dhe të telefonojnë menjëherë urgjencën kombëtare 127 në rast se kanë dyshime se janë të prekur nga ky virus. Për të kontaktuar mjekun e familjes, për pyetje në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40”, apeloi Rakacolli.
Harta e rasteve aktive
Tiranë 98
Krujë 69
Shkodër 16
Kamëz 6
Kurbin 4
Elbasan 3
Fier 3
Mirditë 2
Berat 2
Durrës 1
Korçë 1
Lezhë 1
