Sot u përurua godina e rikonstruktuar e Ministrisë së Brendshme ku i pranishëm ishte dhe kryeministri Edi Rama. Një detaj që ra një sy ishte një “mur kujtese” në të cilin ishin vendosur 264 yje për të nderuar policët e vrarë në krye të detyrës.
I frymëzuar nga modeli amerikan i ‘murit të kujtesës’ në CIA, në mur është vendosur nga një yll i artë për çdo polic të ndjerë.
Janë 264 yje të vendosur në këtë mur.
Ylli më i fundit është për Ardian Kodrën, efektivin e FNSH-së, i cili humbi jetën pak ditë më parë gjatë një operacioni policor në Lezhë.
Sot u mbajt ceremonia e përurimit të rikonstruksionit të godinës, ku munguan ish-ministrat.
Në fjalën e mbajtur, ministri Saimir Tahiri kërkoi “të shihet me përparësi rritja e pagës për punonjësit e policisë”.
Në ‘murin e kujtesës’ në zyrat e CIA-s janë 117 yje.
