Leroy Sane është ndoshta objektivi kryesor i Bayern Munchen për merkaton e ardhshme të transferimeve.
Kampionët e Bundesligës ishin në bisedime me Man.City-n për të firmosur me lojtarin, gjatë merkatos së janarit por asgjë nuk u konkretizua. Klubi anglez kërkon 88 milion paund për të lënë të lirë 24-vjeçarin ofensiv të krahut të majtë, shumë kjo që cilësohet e lartë nga Jupp Heynckes.
Ish-trajneri që shkroi historinë me Bayern Munich në një prononcim të dhënë për “Bild”, ka deklaruar se nuk e konsideron të arsyetueshëm çmimin e lartë të lojtarit, pasi sipas tij ai nuk është një yll i provuar.
“Për mendimin tim, Sane nuk ka bërë asnjë përparim për t’u bërë një lojtar i madh.
“Ai është në udhëkryqin për t’u transformuar në një lojtar kalibri. Duhet të shohim nëse do të punojë fort apo do të mbetet thjesht një talent i jashtëzakonshëm. Ai duhet të jetë gati për të hedhur hapin e madh. Sinqerisht që nuk e konsideroj të arsyeshëm çmimin e kartonit të tij”, deklaron Jupp Heynckes.
