Një 47 vjeçar është arrestuar në Kurbin, pasi dhunonte bashkëshorten dhe dispononte armë zjarri pa leje.
Burime zyrtare bëjnë me dije se në pranga është vënë shtetasi A. P., i cili është larguar nga banesa sapo ka parë shërbimet e Policisë, por pas kontrolleve dhe rrethimit të zonës është vetëdorëzuar.
Gjatë kontrollit të ushtruar në banesën e këtij shtetasi, Policia gjeti një armë zjarri pistoletë, me një krehër me fishekë.
Materialet i kaluan Prokurorisë së Rrethit Gjyqësor Kurbin, në ngarkim të shtetasit A. P., për veprat penale “Dhunë në familje” dhe “Armëmbajtje pa leje”.
