Detaje të reja janë zbardhur nga hetimet për atentatin në Durrës, ku mbetën të vrarë dy vëllezërit Besmir dhe Viktor Haxhia.
Mësohet se një prej të arresrtuarëve, 32-vjeçari Altin Doci, u shkoi edhe në varrim dhe të treta për të ngushëlluar të afërmit e vëllezërve Haxhia.
Kjo është konfirmuar edhe nga avokati i Ndocit ditën që u dha masa e sigurisë për të.
Burime pranë policisë bëjnë me dije se 32-vjeçari ka lënë dhe 50 mijë lekë por familjarët nuk e kanë njohur dhe e kanë pyetur se kush je. Ai i është përgjigjur me emër tjetër.
Kjo i ka bërë të afërmit të dyshojnë pasi nuk e kishin hasur më parë këtë person në rrethin e tyre familjar apo shoqëror.
Grupi hetimor ka zbuluar se objektiv i atentatit të 27 prillit në Durrës ishte vëllai i madh Besmir Haxhia, por në makinë ndodhej edhe vëllai tjetër, Viktori. Të dy ata u ekzekutuan me nga 20 dhe 18 plumba në trup duke ndërruar jetë në vend.
Bashkë me Altin Ndocin u arrestua edhe Klevis Alla si autori i dytë i dyshuar i ngjarjes, i cili ka treguar gjithçka për ekzekutimin e vëllezërve Haxhia si edhe të Dorian Shkozës dhe Anxhelo Avdias më 2 mars në Durrës.
Alla tha se vëllezërit Haxhia kishin strehuar edhe njërin nga autorët e grabitjes së Rinasit, duke bërë që grupi hetimor ta lidhë ekzekutimin e tyre edhe me këtë ngjarje të rëndë.
