Legjenda e Romës, Francesco Totti thotë se pëlqen jashtëzakonisht shumë mesfushorin e Brescias, Sandro Tonali, duke pranuar se do të donte të bëhej agjenti i super talentit.
Kjo deklaratë e 43 vjeçarit vjen pasi, ai tashmë ka hapur një agjenci duke marrë disa futbollistë nën menaxhim. Kështu Totti dëshiron që të grumbullojë disa nga talentet e futbollit italian, ku pjesë e tyre është padyshim edhe Tonali.
“Unë do të bëj patjetër gjithçka që mundem për ta bindur atë të bashkohet me agjencinë time. Nëse ai është i zgjuar, ai do të vijë” – tha fillimisht Totti.
“Ai do të bëhet një nga mesfushorët më të fortë qendror në botë, si Gerrard, De Rossi ose Lampard”, përfundoi ai.
Për 19-vjeçarin interesim kanë shfaqur skuadrat e Barcelonës, Milanit dhe Interit.
