Siç është bërë e ditur tashmë, Paris Saint Germain, u shpall kampione e Francës për sezonin 2019-2020.
Një titull që pavarësisht rrethanave ishte e destinuar për skuadrën e Thomas Tuchel duke parë edhe diferencën e madhe që kishte me ndjekësit. Mirëpo, njësoj si Mbappe, Neymar apo Di Maria titullit të Psg-s mund t’i gëzohet edhe, Jese Rodriguez.
Ish-futbollisti i Realit, pavarësisht se ka kaluar pothuajse tërë sezonin në një klub tjetër, në huazim te Sporting Lisbon, mund të thuhet se është në të gjitha aspektet kampion i Francës. Arsyeja është sepse Rodriguez luajti për një minutë gjatë javës së katërt në kampionat kundër Metz. Jesé hyri në fushë në minutën e 90-të të ndeshjes, gjashtëdhjetë sekonda përpara se arbitri të vërshëllente.
