Dy ditë më parë u vendos që kampionati francez, Ligue 1 të përfundonte para kohe për shkak të Covid-19.
Kampionati francez u bë kështu Liga e tretë që pezulloi përfundimisht futbollin pas Holandës dhe Belgjikës. Por, ndryshe nga Eredivise, Ligue 1 do të shpallë fituesin.
Siç raporton, “L’Equipe”, trofeu do t’i shkojë skuadrës kryesuese deri në momentin e ndërprerjes së garës, pra Paris Saint Germain.
Parisienët kryesonin me 12 pikë avantazh, ndërsa kishin edhe një ndeshje më pak se rivalët e Marseille.
Ndërkohë, mbetet e paqartë se si do të procedohet në lidhje me skuadrat që do të bien një kategori më poshtë, teksa tre të fundit janë Nimes, Amiens dhe Toulouse.
Por, në ditët në vazhdim do të ketë një sqarim më të detajuar ndërsa ky lajm i bërë publik nga “L’Equipe” pritet të zyrtarizohet.
PSG will be crowned French champions despite the season being ended early due to the coronavirus pandemic, according to L'Equipe.https://t.co/T24z6e0ZVi
— RedFM Sport (@BigRedBench) April 30, 2020
