Newcastle, një nga klubet më të famshëm në Angli, po bëhet gati për një revolucion të vërtetë pas ndryshimit të pronësisë.
Investitorët e ri të cilët janë pranë zyrtarizimit si pronarët e “qymyrxhinjve” po përpilojnë një plan të qartë, miliona euro investim për të rikthyer Newcastle sërish në majën e Premier League.
Projekti i tyre ambicioz nis nga stoli, prej kohësh janë vënë në ndjekje të një trajneri të madh i cili do të ketë në dispozicion një “çek të bardhë” për të ndërtuar një ekip konkurrues.
Sipas mediave britanike, Pochettino është kandidati kryesor për të marrë stolin e “qymyrxhinjve” në një kohë kur oferta e tyre është e parezistueshme: 19 milion euro në sezon, kjo është paga që i ofrohet Pochettinos, një shumë e cila ka pushtuar faqet e para të mediave britanike.
Pas shkarkimit nga ana e Tottenham, Pochettino aktualisht nuk drejton asnjë skuadër.
