Sulmuesi i Manchester City-t, Kevin De Bruyne i ka hapur një sfidë legjendës së Arsenalit, Thierry Henry, duke i thënë se po synon të thyejë rekordin e tij të asisteve në Premier league.
Legjenda e Arsenalit ka realizuar plot 20 asistime gjatë sezonit 2002/03 në kampionatin anglez, më shumë se çdo lojtar tjetër gjatë një sezoni.
De Bruyne aktualisht është në kuotën e 16-të asistimeve në këtë sezon dhe mendon se mund të thyejë rekordin e francezit Henry.
“Për të qenë i sinqertë, unë duhet të them se aktualisht në të vërtetë kam 17 asistime dhe 16. Në ndeshjen ndaj Arsenalit ma hoqën një.” ka thënë fillimisht De Bruyne.
“Unë gjithmonë bëj shaka me Henry në ekipin kombëtar, Kompany është dëshmitar. I thashë atij: Do ta thyej rekordin këtë vit. Të kesh 16 asistime është vërtet e bukur dhe flet vërtet mirë për një lojtar krijues nëse rekordi nuk vjen këtë sezon do të tentoj vitin e ardhshëm”.
“Kur ju arrini një rekord jeni të mbushur me krenari, e kam provuar në Gjermani dhe është mirë të shihni se keni thyer disa rekorde”, përfundoi belgu.
