Aleksander Perdodën ka mohuar akuzat para togave të zeza për vrasjen e Kol Murranit dhe preng Simonit në Lalm të Vjetër, në Lezhë.
Ai ka deklaruar se me Simonin ka pasuar konflikt por që e kishte zgjidhur, ndërsa me Murranin ka patur lidhje miqësore dhe për ngjarjen është informuar përmes televizorit.
“Nuk kam asnjë lidhje me vrasjen, kam qene në fshat atë dite sepse kam shtëpi dhe blegtori dhe qëndroj vazhdimisht atje, në orën 10 kam zbritur në Lezhë, dhe lajmin e mora vesh në televizor në orën 14 të pasdites.
Nuk kisha dijeni për ngjarjen. Kam pasur konflikt me Preng Simoni 8 muaj më parë, por që e kishim zgjidhur, u morëm vesh me njëri tjetrin.
Me Murranin kam pasur lidhje miqësore, nuk mund ta beja atë krim”, mësohet të ketë thënë Përdoda.
Në përfundim të seancës gjykata e Lezhës caktoi masën e sigurisë arrest me burg për të.
