Lojtari i Boca Juniors, Sebastian Villa, është akuzuar për abuzim fizik dhe psikologjik nga e dashura e tij.
Daniela Kortes, postoi një video në mediat sociale ku tregonte plagët për të cilat ajo pretendon se janë shkaktuar nga 23-vjeçari. Ndërkohë fill pasi video u bë publike, një ish-partnere e lojtarit doli në mbështetje të Kortes dhe tha se Villa kishte qenë gjithashtu abuziv ndaj saj.
Duke parë këtë situatë ka ardhur edhe reagimi i Boca Juniors. Në një deklaratë të lëshuar ditën e djeshme thuhet se ata janë në kontakt me përfaqësuesit e lojtarit dhe policinë në mënyrë që të zbardhin të vërtetën e çështjes.
“Boca Juniors raporton se tashmë është në kontakt me avokatët e lojtarët dhe përfaqësuesit e tij në tentim për ta hetuar këtë episod dhe për të marrë masat përkatëse. Që nga tani, klubi është në dispozicion të policisë në mënyrë që të bëjë gjithçka që mundet për të bashkëpunuar për zbardhjen e këtij rasti, në përputhje me angazhimin tonë në çështjet e të drejtave të njeriut dhe çështjeve gjinore”. – thuhet në deklaratën e klubit.
https://www.instagram.com/p/B_gaNneh1a1/?utm_source=ig_web_copy_link
