Është vënë në pranga autori i dyshuar i plagosjes së 50 vjeçarit Gëzim Bici pasditen e djeshme në Shkodër.
Burime zyrtare bëjnë me dije se në pranga është vënë shtetasi H. I., alias B. I., 59 vjeç, banues në Shkodër. Autori, me precedent penal të mëparshëm në fushën e krimeve të rënda ndaj personit.
Burime bëjnë me dije se personi i vënë në pranga është shtetasi Bardh Isufi, për të cilin 50-vjeçari deklaroi menjëherë sa u fut në ambulancë se ishte autor i plagosjes.
Ky shtetas, për motive pronësie, plagosi me armë zjarri Gëzim Bicin, i cili ndodhet jashtë rrezikut për jetën.
Vijon puna për gjetjen e armës, pasi dyshohet se autori, pas plagosjes, mund ta ketë hedhur armën në lumin Buna.
Materialet iu referuan Prokurorisë së Rrethit Gjyqësor Shkodër, për veprën penale “Vrasja me paramendim, e mbetur në tentativë”.
