Presidenti i Federatës së Futbollit Argjentinas (AFA) Claudio Tapia, ka deklaruar se do të mbyllë përpara kohe kampionatet në të gjitha kategoritë për shkak të pandemisë së koronavirus.
Me futbollin argjentinas të pezulluar që prej muajit të kaluar, Tapia e deklaroi sezonin të përfunduar mbrëmjen e djeshme.
“Ne po i japim fund futbollit në vend. Do të kthehemi në fushë vetëm kur të na lejohet nga autoritetet sanitare. Ne respektojmë masat e marra nga qeveria dhe duhet t’i zbatojmë ato”.- ka thënë presidenti Claudio Tapia.
Ndeshja e fundit e luajtur në kampionatin argjentinas është ajo e 10 marsit mes Esatudiantes dhe Racing Club. Sipas mediave në vend, kampionati mund të rinisë vetëm në shtator, megjithëse gjithçka do të varet nga evoluimi i pandemisë.
