Emri i José Mourinho është i lidhur me atë të klubeve të mëdha si Porto, Chelsea, Inter, Real Madrid dhe Manchester United, por shumë pak ndoshta mbajnë mend që për vite ai ka punuar edhe për një superfuqi tjetër të futbollit botëror; Barcelonën.
Kur ishte shumë i ri, në vitin 1992, ai u bë përkthyes dhe asistent i Bobby Robson te Sporting Lisbona dhe më pas e ndoqi atë edhe te Porto dhe në vitin 1996 te Barça.
Aventura e trajnerit legjendar anglez në krye të katalanasve, zgjati vetëm një sezon, pavarësisht triumfeve në Kupën e Spanjës, Superkupën e Spanjës dhe Kupën e Fituesve të Kupave. Ai që ngeli te Barcelona ishte Mourinho, i cili u bashkua me stafin e Louis Van Goal, para se të fillonte karrierën e tij si trajner i parë më 2000.
Në kohën e arritjes së tij në Spanjë, shumë nuk i dhanë shumë rëndësi rolit të tij, por në realitet 33 vjeçari Mourinho, menjëherë kishte fituar një peshë të madhe në dhomat e zhveshjes të Barcelonës. Për ta zbuluar këtë ka folur Hristo Stoichkov , një nga kokat e atij ekipi.
“Mourinho arriti te Barcelona dhe dikush tha se ishte vetëm një përkthyes, por ishte gabim. Ai punoi në fushë dhe dinte gjithçka. Ai ishte trajneri ynë, si dhe një mik i shkëlqyeshëm”.
