Ai që gërthet se po sulmohet padrejtësisht nga lajmet e rreme, po bëhet gjithnjë e më shumë përcjellës i tyre. Pas publikimit të videos së dhunës në Algjeri, ku e paraqiste si një masë e marrë nga Spanja për shkelësit e rregullave të ndërmarra në kuadër të parandalimit të koronavirusit, një tjetër “Fake News” përcillet nga kryeministri Edi Rama.
Në mediat italiane është paraqitur një imazh që tregon një dhomë në Lampedusa mbushur me arkivolat e emigrantëve që tentuan të arrinin Italinë, por u mbytën në ujërat e Mesdheut.
Kronika mbi ngjarjen në vitin 2013
I njëjti imazh është përdorur për të gënjyer se viktimat që humbur jetën kanë qenë të infektuar me koronavirus dhe fotografia është shkrepur në Bergamo disa javë më parë.
Ky imazh është përcjellë edhe nga kryeministri Edi Rama, i cili për herë të dytë në kaq pak kohë, bëhet përcjellës i lajmeve të rremë për COVID te shqiptarët, duke krijuar terror.
