Dy raste të reja me COVID-19 mësohet se janë zbuluar në qytetin e Shkodrës.
Burime bëjnë me dije se ka rezultuar pozitiv një infermiere në fshatin Prekal, banore e lagjes Fermantin.
Infermierja për momentin është mbajtur në reparin Infektiv në Shkodër dhe pritet të dërgohet për mjekim të mëtejshëm në Tiranë.
Nuk dihet ende sesi është infektuiar por dyshohet për një vatër të re.
Ndërkohë rasti i dytë është vajza e gruas në lagjen “Kiras”, që u konfirmua dje pozitive me COVID-19. Vajza mësohet se ndodhet në gjendje të mirë shëndetësore.
Shkodra renditet e dyta pas Tiranës për numrin më të lartë të infektuarëve në vendin tonë.
