Gazetari Edison Myrteza nga Pekini në një lidhje direkte për Abc e Mëngjesit është shprehur se lideri i Koresë së Veriut, Kim Jong Un është gjallë.
Myrteza ndër të tjera ka bërë me dije se nga informacionet rezulton se ai ka qenë në një nga resortet e tij në një nga bregdetet e Koresë së Veriut.
“Nga raportimet e mediave kineze, rezulton se ai është gjallë dhe ka qenë në një resort turistik në një nga bregdetet e Koresë së Veriut dhe vijon të ketë shëndet të plotë. Informacionet janë shumë selektive pasi mediat në Korenë e Veriut nuk japin informacione për liderët e tij politikë” është shprehur gazetari Myrteza.
Ndërkohë pyetjes së Enkel Demit nëse Kina ka dërguar një ekip mjekësor në Korenë e Veriut, ai ka theksuar se në mediat kineze nuk ka asnjë lajm të tillë.
Ai ka theksuar se lideri i Koresë së Veriut mund të ketë pasur probleme shëndetsore, por është gjallë dhe pritet që të kthehet sërish në krye të postit.
