Një prej të ftuarve të emisionit “Me zemër të hapur” në televizionin “News24”, është arrestuar nga forcat e policisë sapo ka lënë studion e emisionit.
Ai është shtetasi Altin Kacaj, 41 vjeç nga Vlora, i cili ishte sot në emisionin “Me zemër të hapur” së bashku me avokatin e tij italian, për të cilin tha se e ka mik prej shumë vitesh dhe nuk preferon të marë avokat shqiptari pasi “blihen”.
Kacaj akuzoi ish të dashurën e tij për vjedhje, ndërsa ajo e kishte denoncuar 41-vjeçarin për kërcënim.
Kacaj hodhi akuza ndaj organit të hetimit gjatë emisionit ndërsa u vu në pranga pasi rezulton person i shpallur në kërkim.
