Real Madrid ka një bazë të fortë financiare dhe do të jetë në gjendje të kapërcejë me lehtësi pasojat ekonomike të shkaktuara nga koronavirusi, ka deklaruar Fabio Capello.
Pezullimi i futbollit pritet të ketë pasoja të mëdha financiare për shumë klube në Europë, por sipas teknikut italian, kjo nuk do të ndodhë me Realin e Madridit.
“Unë mendoj se Real Madrid është skuadra e vetme në Spanjë që nuk do të dalë e shkatërruar nga pandemia. Barcelona dhe Atletico Madrid do të vuajnë shumë”. – tha ai “La Gazzetta dello Sport”.
73-vjeçari gjithashtu beson se do të ketë një ndryshim të përgjithshëm në mënyrën se si funksionon tregu i transferimeve.
“Tregu do të revolucionarizohet. Ne arritëm në një pikë ku paguheshin tarifa absurde dhe tani do të kthehemi në një nivel më të arsyeshëm.”
