Trajneri aktual i Interit, Antonio Conte, nuk do të zgjaste as një sezon si trajneri i Realit të Madrid-it. Kjo është deklarata e bujshme e bërë nga Diego Costa, i cili ka qenë nën urdhrat e italianit te skuadra e Chelsea-t.
I pyetur për Antonio Conten gjatë një interviste të dhënë për “ESPN Brasil”, Costa pranoi se mes dyshes ka pasur gjithmonë probleme jashtë fushës së lojës. Braziliani deklaron se nuk dyshon aspak në aftësitë e tij si trajner por ka rezerva për Conten si person, mënyrën se si ai i menaxhon situatat.
“Jashtë fushës kemi pasur probleme të ndryshme por mendoj se është një trajner i mirë. Por për të qenë një trajneri i madh, duhet të kesh edhe anën humane. Ai është shumë i dyshimtë si person. Mendoj se te një klub si Reali i Madridit nuk do të zgjaste as një sezon”. – ka thënë Diego Costa.
