Aktori amerikan Tom Hanks i ka dërguar një letër dhe makinë shkrimi të markës Corona një djali australian që u bullizua për shkak të emrit të tij.
8-vjeçari Corona De Vries i shkroi një letër aktorit dhe bashkëshortes së tij Rita Wilson pasi u infektuan me virusin në Queensland.
“Kam dëgjuar në lajme që ju dhe gruaja jote jeni infektuar me koronavirus. A jeni mirë?” – shkruante vogëlushi.
Vogëlushi shtoi se e donte shumë emrin e tij, por në shkollë e thërrisnin “koronavirus”.
Hanks iu përgjigj me një letër ku i shkruante: “I dashur Corona. Letra juaj na bëri të ndihemi mirë, mua dhe bashkëshorten time. Faleminderit që jeni një mik kaq i mirë. Janë miqtë që të bëjnë të ndihesh mirë.
Ju jeni i vetmi person që kam njohur ndonjëherë me emrin Corona, si unaza rreth diellit, një kurorë,”- shkroi aktori.
Gjithashtu i dërgoi një makinë shkrimi të markës Corona, të cilën e kishte përdorur gjatë karantinës së tij në qytet.
“Mendova se kjo makinë shkrimi do jetë e mirë për ty. E mora në Gold Coast dhe tani e ktheva sërish mbrasht, tek ti. Pyesni një të rritur si funksionon. Dhe përdore për të më shkruar përsëri,”- shkroi Hanks
