Partia Demokratike ka akuzuar Ministrin e Brendshëm, Saimir Tahiri dhe qeverinë se ka dekonspiruar hetimin ndaj pilotit italian Guido Andrea Guidi që ra dje me avion në grykëderdhjen e Ishmit.
Në një reagim rpas lirimit të pilotit, PD shprehet se dekonspirimi qeveritar po bëhet me qëllim për t’iu dhënë kohë trafikantëve shqiptarët të mbrohen.
“Partia Demokratike shpreh shqetësimin e thellë për dekonspirimin nga Ministri i Brendshëm të hetimit që po bëhet ndaj pilotit italian, të kapur sot në Ishëm. Ky dekonspirim qeveritar bëhet me qëllim për t’i dhënë kohë dhe mundësi trafikantëve shqiptarë që kanë porositur avionin që të mbrohen e t’i shpëtojnë ligjit. Ajo i bën thirrje Prokurorisë të marrë masa dhe të veprojë ndaj çdo personi me pushtet. “Partia Demokratike i kërkon Prokurorisë të marrë masa të shpejta dhe energjike ndaj çdo personi me pushtet që dekonspiroi sonte hetimin”, deklaron PD.
