Një 63-vjeçar ka humbur jetën pasi është përplasur nga një automjet në aksin Tiranë-Durrës. Policia e Durrësit bën me dije se ngjarja ka ndodhur mëngjesin e sotëm rreth orës 07:35, ku një mjet akoma i aidentifikuar ka përplasur shtetasin Xh.S.,63 vjeç, i cili po levizte me biçikletë.
“Rreth orës 07:35, në aksin rrugor Tiranë-Durrës, një mjet akoma i paidentifikuar ka përplasur shtetasin Xh.S.,63 vjeç, i cili po levizte me biçikletë, ku për pasojë ka ndërruar jetë. Grupi hetimor ndodhet në vendngjarje dhe po punon për zbardhjen e plotë të aksidentit”, njoftoi Policia.
