Përgjigjet e testimeve të para për 15 policë dhe kontrollorë të turnit në Pikën Kufitare të Kakavijës si dhe 4 efektivë të NKVKSH të Gjirokastrës e kontakteve të tyre, kanë rezultuar negative ndaj Covid-19.
Por testimi do të ribëhet pas 5 ditëve për të dhënë siguri të plotë personave që janë testuar.
Testimi i tyre u realizua dje në mbrëmje, pak orë pasi u zbulua rasti i parë me COVID -19 në mes të një grupi emigrantësh të ardhur në Kakavijë në datat 16-17 prill e të karantinuar në hotel River në Grykën e Këlcyrës.
Qarku i Gjirokastrës konsiderohej si një zonë e pastër ndaj Covid-19, madje një ditë më parë Kryeministri Edi Rama e nxori nga harta e zonave të karantinuara, ose lëvizjeve me fasha orare.
