Pavarësisht se Euro 2020 është shtyrë në vitin 2021, për shkak të shpërthimit të pandemisë koronavirus, kompeticioni do të vazhdojë të mbajë emrin fillestar, njofton UEFA.
Euro 2020 do të jetë edicioni i 60-të i Kampionatit Europian, me të parin të mbajtur në vitin 1960, ndërkohë ai u shty për në verën e vitin 2021 pas shpërthimit të koronavirusit. Emri u kthye në çështje, ama UEFA ka vendosur të mbajë emrin e parë.
“Kjo zgjedhje është në linjë me angazhimet e UEFA-s dhe synon të mos shkaktojë humbje të mëtejshme. Shumë materiale me emrin Euro 2020 janë prodhuar. Ndryshimi i emrit do të sillte shkatërrimin e këtyre produkteve,” deklaron UEFA.
