Mbrëmjen e djeshme qyteti i Korçës u trondit nga një vrasje me thikë në lagjen nr.7.
Viktimë mbeti 67-vjeçari Perikli (Petrika) Treska, dhe mëngjesin e sotëm u arrestua si autor i dyshuar i krimit, fqinji i viktimës Apostol Bozhgolli 65 vjeç.
Si autori dhe viktima jetonin të dy në një pallat dhe shkaku i konfliktit dyshohet të ketë qenë drita e shkallës së pallatit.
Mësohet se pasi janë zënë verbalisht, situata ka degjeneruar deri në përdorimin e thikës, ku viktima ka marrë 9 thika, 5 në kurriz, 3 në gjoks, 1 në zemër. Viktima është gjetur në derën e banesës nga bashkëshortja e tij.
Perikli (Petrika) Treska ishte një punonjës i Postës Shqiptare dhe nuk cilësohej si problematik. Ndërsa burime bëjnë me dije se autori dyshohet për çrregullime mendore.
Mësohet se ai nuk ka dhënë asnjë dëshmi para grupit hetimor dhe qëndron i ftohtë duke mos pranuar të japë asnjë sqarim për ngjarjen.
