UEFA në takimin e mbajtur sot në Nyon për shkak të pandemisë së koronavirusit ka vendosur të shtyjë për vitin 2022 Kampionatin Europian për femra.
Presidenti i UEFA-s ka dalë edhe me një deklaratë, ku arsyeton edhe vendimin e marrë: “Duam të jetë turneu i vetëm madhor i futbollit gjatë verës dhe kështu i sigurojmë vëmendjen që meriton”, thuhet mes të tjerash në deklaratën e Aleksander Ceferin.
Tani ky Europian do të luhet nga data 6 korrik deri më 31 korrik të vitit 2022.
Kujtojmë se UEFA ka shtyrë edhe Kampionatin Europian të meshkujve, i cili tani do të luhet vitin e ardhshëm.
