Klubi i Hellas Veronës ka njoftuar se mesfushori, Mattia Zaccagni, është shëruar plotësisht nga Coronavirusi. Italiani doli pozitiv në testin e Covid-19 në mes të marsit dhe që nga ajo ditë ai ka qenë në vetëizolim të plotë.
”Hellas Verona FC njofton se sipas protokollit, Mattia Zaccagni, është shëruar nga Coronavirusi-Covid 19. Testi ka dalë negativ në orët e fundit. Futbollisti është rikuperuar dhe nuk do të jetë më i detyruar të qëndrojë i izoluar në shtëpi”, shkruhej në deklaratën e klubit.
Tanimë pas pothuajse 2 muajve mbartës i virusit, lojtari rezultoi negativ në testin e fundit dhe tani është mirë, ai nuk ndjen ndonjë simptomë të veçantë, por sipas protokollit mjekësor shëndetësor ai domosdoshmërisht duhet të mbetet në izolimin në shtëpi.
