Sipas medieve italiane, Gianluigi Buffon, është pranë rinovimit me Juventusin edhe për një sezon tjetër.
Nga raportimet e fundit, ka qenë presidenti i bardhezinjve, Andrea Agnelli, ai që ka këmbëngulur që legjenda e klubit të mos largohet. Gazzetta dello Sport shkruan se Buffon-it iu kërkua nga Agnelli të vazhdonte aventurën me kampionët e Serie A.
“Duam që të vazhdosh të jesh pjesë e klubit”, ka thënë Agnelli sipas gazetës Italiane. Ndërsa Buffon është përgjigjur: “Nëse jeni të sigurt që kjo është zgjedhja e duhur, unë jam më se i lumtur të vazhdoj”.
Gjatë këtij sezoni Buffon është aktivizuar në 7 ndeshje, duke i dhënë mundësi Szczesnyt të pushojë, por njëkohësisht duke ofruar garanci në kuadrat me pritjet e tij, që konfirmojnë se pavarësisht moshës, ende nuk i ka humbur reflekset.
