Një tjetër pacient, i cili ishte prekur nga Covid-19 ka humbur jetën.
Nuk dihet nëse zyrtarisht Ministria e Shëndetësisë do e klasifikojë si vdekje nga koronavirusi, por mësohet se pacienti 71-vjeçar nga Durrësi, vuante edhe nga sëmundje të tjera bashkëshoqëruese. Nëse e klasifikon si humbje jete nga koronavirusi, atëherë numri i viktimave në Shqipëri arrin në 27.
Pacienti ishte shtruar në spitalin “Shefqet Ndroqi” i kthyer në një spital “Covid2” dhe prej ditësh ishte në gjendje të rënduar shëndetësore, dhe ishte në intubim.
Deri tani zyrtarisht kanë humbur jetën, sipas shifrave zyrtare, 26 persona nga Covid-19, ndërsa 3 pacientë të tjerë që kanë qenë të infektuar, Ministria e Shëndetësisë, i ka klasifikuar si humbje jete nga sëmundje bashkëshoqëruese.
