Ish-lojtari italian, Antonio Cassano, ka deklaruar se Interi do të përfitonte nga shitja e Lautaro Martinez-it.
Ish-sulmuesi i Interit, ka thënë se vlera e rritur e argjentinasit do t’i jepte zikltërve mundësinë për të investuar me zgjuarsi.
“Lautaro është shumë i mirë, por do ta shisja atë. Interi e bleu për 20 milionë dhe mund ta shesë atë për më shumë se 100 milionë euro. Ose mund ta shesë për 80 milionë euro dhe t’i marrë Barcelonës Arthur. Më pas me paratë do të vihesha pas (sulmuesit të PSG-së) Cavanit, i cili është në përfundim të kontratës dhe do të ishte perfekte për Antonio Conten”.
“Përveç kësaj do të ketë gjithashtu para nga shitja e Icardit, para të cilat do i përdorja për të marrë Lacazette nga Arsenali”. – i ka thënë Cassano gazetarit italian, Pierluigi Pardo.
