Lëkura e dy mjekëve kinezë të infektuar nga COVID-19 të cilët ishin në prag të vdekjes. është kthyerë në ngjyrë të zezë, raporton Daily Mail.
Yi Fan dhe Hu Wiefeng, të dy 42 vjeç, u prekën nga koronavirusi teksa po kuronin pacientët në spitalin qendror në Wuhan. Ngjyra e tyre e pazakontë e lëkurës u shkaktua nga mungesa e balancës hormonale pasi mëlçitë e tyre u dëmtuan nga virusi.
Të dy mjekët janë kolegë të Li Wenliang, mjeku që sinjalizoi i pari alarmin për koronavirusin e ri, por që ndërroi jetë më vonë. Pas shumë ditësh në gjendje të rëndë, dy mjekët thonë se ia kanë dalë, edhe pse kjo betejë i ka traumatizuar.
