Komisioni i ligjeve miratoi sot propozimin e qeverisë për zgjatjen e gjendjes së fatkeqësisë natyrore për shkak të situatës së krijuar nga koronavirusi, deri në 23 qershor 2020.
Me shumicë votash, komisioni miratoi projektvendimin “Për propozimin Kuvendit të Republikës së Shqipërisë për dhënien e pëlqimit për zgjatjen e gjendjes së fatkeqësisë natyrore, të shpallur me vendim nr. 243 datë 24.03.2020, të Këshillit të Ministrave” deri në datën 23.6.2020.
Pro këtij projektligji votuan shumica e deputetëve në Komision, ndërsa deputetët Alban Zeneli dhe Andi Përmeti abstenuan.
