Innokentiy Samokhvalov tronditi botën e futbollit një ditë më parë. Mbrojtësi 22-vjeçar i Lokomotiv Moskë u nda nga jeta për shkak të një arresti kardiak.
Ai ishte izoluar në shtëpi dhe lajmin për vdekjen e tij e ka konfirmuar menjëherë klubi rus.
“Me keqardhje të madhe njoftojmë për vdekjen e mbrojtësit Innokentiy Samokhvalov. Ai ka pasur një grua dhe një djalë. Kesha ishte një njeri i dashur, që i ndihmonte të tjerët dhe një shok shumë i mirë. Ne jemi të shokuar nga kjo që ka ndodhur dhe duam të shprehim ngushëllimet më të sinqerta për familjen dhe miqtë e tij”. – shkruan klubi rus.
Ndërkohë, faqja e njohur “433” ka zbuluar se një ditë më parë, Samokhvalov u kishte dërguar një video për ta postuar. Ai shfaqet në shtëpi, teksa me një top tenisi tenton të realizojë kosh në lodrat e djalit të tij, i cili më pas edhe feston.
